الرئيسية
السلام عليكم
اولا الموضوع يمكن طويل شوية بس امانة عليكم تردوا عليا
كلنا اكيد بنفكر في الحب وكل
واحد وواحدة نفسها تعيش اروع قصة حب وفتي الاحلام ياخد عروسته علي الحصان
والكلام ده اللي مش موجود الا في الاحلام انا بقي عندي ليكم شوية اسئلة
وهنجاوب بصراحة......
1)ازاي كل طرف يعرف ان التاني بيحبه؟
2)ليه دلوقتي اللي بيحصل غالبا ان الشاب يتعرف علي البنت ويفضلوا يحبوا في بعض بالسنين وبعدين يسيبوا بعض؟
3)ليه في الوقت اللي البنت تكون فيه بتكدب علي الشاب او لنقل انها بتخونه بيكون هو كويس جدا معاها في الفترة دي؟
4)ليه الشاب لما بيتاكد ان الانسانة اللي معاه بقت ملكه وبقت متعلقة بيه يبتدي يقلع القناع ويبان علي حقيقته ويدور علي فريسة جديدة ؟
5)ليه دايما الاسهل اننا ننسي الحب بدال م نحافظ عليه؟
6)ليه دايما عشان ننسي قصة حب قديمة لازم نسحب في سكتنا قرص اسبرين نتسلي بيه شوية لحد ما ننسي؟
7)ليه العذاب غريزة مرتبطة بالحب؟
ليه الشاب دايما لما بيفكريرتبط اخر واحدة ممكن يفكر انه يرتبط بيها هي الانسانه اللي حبته من غير
ما تفكر وامنته علي مشاعرها وفي الاخر يسيبها ويقول ان لازم اكيد زي ما
حبته حبت غيره وهتحب غيره من بعد ما يجوزها ويا حرام هو عايز واحدة تحافظ
علي بيته لكن اللي حبته بجد ووثقت فيه دي لا اخييييه ييعععع متنفعش يبقي
ده ايه؟
9)ليه مفيش حكاية بتستمر زي ما بدات بكل حب ليه غالبا نهاية الحب جرح؟
10)لو حبينا واتجرحنا اكيد
لازم نفضل فترة طويلة من غير حب ؛طب لو ظهر حد جنبنا في نفس الفترة اللي
احنا فيها دي او بمعني اصح فترة النقاهة نعمل ايه نفتح قلبنا لحب جديد
يخلينا ننسي ولا في الحالة دي ميبقاش حب ويبقي زي ما قلت قبل كدة قرص
اسبرين مؤقت؟
11)ازاي بعد ما ننجرح نقدر
نسلم تاني ونحب ازاي واحنا هنفضل طول الوقت نقارن بين الحب القديم اللي
جرحنا والحب الجديد ولو قلتولي لازم ننسي طب بالزمة في حد بيحب بجد ويتجرح
وبيقدر ينسي خالص كدة ؟
الحقيقة اسئلة كتير ومملة بس برضه
مستنى ردودكم الجميلة
!!!
_________________
اذا أردت شيئأ بشدة فاطلق سراحة فان عاد لك فهو ملك لك للابد وان لم يعد فهو ليس لك من البداية
